Италиялик журналист Фабрицио Романонинг хабар беришича, "Рома" ярим ҳимоячи Николо Дзаньолони "Галатасарой"га сотиш бўйича музокаралар олиб бормоқда.
Манбага кўра, Рим клуби ижара вариантини кўриб чиқмаяпти, бироқ италияликни тўлиқ сотмоқчи. Футболчининг ўзи "Рома" раҳбарияти билан муносабатлари ёмон бўлгани учун турк жамоасига ўтишга тайёр.
23 ёшли ярим ҳимоячи аввалроқ жамоадан кетишни сўраган эди. "Рома" Англиянинг "Борнмут" клубидан расмий таклиф олди ва уни қабул қилди, бироқ футболчининг ўзи трансферни рад этди.
Дзаньоло ва римликлар ўртасидаги амалдаги келишув 2024 йилнинг ёзига қадар тузилган.
Жорий мавсумда у "Рома" сафида барча турнирларда 17 та ўйинда майдонга тушиб, 2 та гол урди ва 3 та голга ассистентлик қилди. Унинг қиймати, Transfermarkt маълумотларига кўра, 30 миллион еврони ташкил қилади.
