"Galatasaroy"da ijara asosida o‘ynayotgan "PSJ"ning argentinalik hujumchisi Mauro Ikardi keyingi mavsumda Parij klubida yana bir imkoniyatga ega bo‘lishi mumkin.
Xabarlarga ko‘ra, fransuz klubi rahbariyati futbolchini turklar safidagi o‘yinidan hayratda qolgan. Shu tufayli "PSJ" yozda yangi hujumchi xarid qilmasligi mumkin.
29 yoshli Ikardi joriy mavsumda “Galatasaroy” safida barcha musobaqalarda 13 ta o‘yinda maydonga tushib, 9 ta gol urdi va 6 ta golli uzatmani amalga oshirdi. Uning klub bilan shartnomasi 2024 yilning yoziga qadar mo‘ljallangan.
