Moliyaviy qoidalarni buzganlik aybi isbotlansa, "Manchester Siti" qanday jazolanishi mumkinligi ma’lum bo‘ldi.

Sky Sports Premyer-liga qoidalariga tayanib, "Siti" ishini ko‘rib chiquvchi mustaqil komissiya klubni chempionat o‘yinlaridagi ishtirokidan chetlashtirishi, liga rahbariyatiga ba’zi uchrashuvlarni qayta o‘tkazishni tavsiya qilishi va tovon puli to‘lashi mumkinligini ta’kidlamoqda.

Shuningdek, komissiya ba’zi o‘yinchilarni ro‘yxatga olishni bekor qilishi mumkin. Bundan tashqari, shartli jazo yoki jarima ham mumkin. Qayd etilishicha, agar "Siti"ning aybi isbotlansa, kelasi mavsumda klubdan ochkolar olib tashlanishi mumkin. Bu jarayon joriy mavsum oxirigacha yakunlanmasa sodir bo‘ladi.

Athletic nashri, shuningdek, "Manchester Siti" oldingi mavsumlarda jamoadan olgan ochkolarini olib tashlab, sovrinlardan mahrum qilinishi mumkinligi haqida xabar beradi.

Avvalroq, Premyer-liga klublari joriy mavsumda "Siti"ga qarshi sud jarayoni yakunlanishini istashayotgani xabar qilingandi.

6 fevral kuni Premyer-liga “Manchester Siti”ni moliyaviy qoidalarni juda ko‘p marta buzganlikda aybladi. Ma’lumotlarga ko‘ra, klub 2009/10 yilgi mavsumdan 2017/18 yilgi mavsumgacha moliyaviy feyr-pley qoidalarini buzgan.