Молиявий қоидаларни бузганлик айби исботланса, "Манчестер Сити" қандай жазоланиши мумкинлиги маълум бўлди.
Sky Sports Премьер-лига қоидаларига таяниб, "Сити" ишини кўриб чиқувчи мустақил комиссия клубни чемпионат ўйинларидаги иштирокидан четлаштириши, лига раҳбариятига баъзи учрашувларни қайта ўтказишни тавсия қилиши ва товон пули тўлаши мумкинлигини таъкидламоқда.
Шунингдек, комиссия баъзи ўйинчиларни рўйхатга олишни бекор қилиши мумкин. Бундан ташқари, шартли жазо ёки жарима ҳам мумкин. Қайд этилишича, агар "Сити"нинг айби исботланса, келаси мавсумда клубдан очколар олиб ташланиши мумкин. Бу жараён жорий мавсум охиригача якунланмаса содир бўлади.
Athletic нашри, шунингдек, "Манчестер Сити" олдинги мавсумларда жамоадан олган очколарини олиб ташлаб, совринлардан маҳрум қилиниши мумкинлиги ҳақида хабар беради.
Аввалроқ, Премьер-лига клублари жорий мавсумда "Сити"га қарши суд жараёни якунланишини исташаётгани хабар қилинганди.
6 февраль куни Премьер-лига “Манчестер Сити”ни молиявий қоидаларни жуда кўп марта бузганликда айблади. Маълумотларга кўра, клуб 2009/10 йилги мавсумдан 2017/18 йилги мавсумгача молиявий фейр-плей қоидаларини бузган.
