«Nasaf» bugun Turkiyadagi yig‘in doirasida navbatdagi 5-nazorat uchrashuvida maydonga tushdi. Qarshiliklarning bugungi raqibi Gruziyaning «Dila» jamoasi bo‘ldi.

Birinchi taymda hisob ochilmadi. Ikkinchi bo‘limda esa Ro‘ziqul Berdiyev shogirdlari g‘alabani o‘z tomonlariga og‘dirishdi.

51-daqiqada Bozorovdan to‘pni qabul qilgan Abdurahmatov raqib jarima maydoni yonida qulay vaziyatda turgan Eshmurodovga to‘pni uzatdi. Umar bir zarba bilan raqib darvozasini ishg‘ol qildi.

60-daqiqada esa Nasrullayevning amalga oshirgan burchak to‘pidan so‘ng Eshmurodov yana bir bor raqib darvozasiga zarba berishga harakat qildi, biroq to‘p Mozgovoyga borib tushdi. Akmal qulay imkoniyatdan unumli foydalanib hisobni o‘zgartirdi — 2:0.

Ushbu hisob o‘yin oxirigacha o‘zgarmay qoldi.

Nazorat o‘yini
«Nasaf» - «Dila» (Gruziya) - 2:0 (0:0)
Gollar: Umar Eshmurodov (51), Akmal Mozgovoy (60)
«Nasaf»: 35. Abduvohid Ne’matov, 4. Husniddin Aliqulov, 5. G‘olib G‘aybullayev, 7. Akmal Mozgovoy, 8. Zafarmurod Abdirahmatov, 9. Javohir Sidiqov, 10. Husayn Norchayev, 18. Bahrom Abdurahimov, 34. Sherzod Nasrullayev, 77. Oybek Bozorov, 92. Umarbek Eshmurodov
«Dila»: 1. Buliskeriye D., 2. Chiteishvilli R., 3. Silva V., 4. Dzotenidze I., 5. Tevzadze N., 6. Santos A., 7. Gomes O., 8. Gagnidze N., 9. Tseuxladze N., 10. Viktor J., 11. Geil T.