"Yuventus" "Sassuolo"dan Manuel Lokatellini sotib oldi.

Calcio e Finanza nashrining xabariga ko‘ra, yarim himoyachini sotib olish varianti "Yuventus"ning "Salernitana"ga qarshi o‘yinidan so‘ng (3:0) avtomatik ravishda faollashtirilgan. Futbolchining to‘liq transferi uchun "Yuventus" 25 million yevro beradi. Ushbu miqdor uch moliyaviy yil davomida to‘lanadi.

Shartnomada 12,5 million yevro miqdoridagi bonuslar ham bor. Bu summaning bir qismini – 5 million yevroni to‘lash shartlari allaqachon bajarilgan.

Lokatelli 2021 yilning yozida "Sassuolo"dan "Yuventus"ga ijaraga o‘tgan edi. O‘shandan beri u turinliklar safida A Seriyada 49 ta o‘yinda maydonga tushib, 3 ta gol va 4 ta golli uzatmaga mualliflik qilgan.