"Ювентус" "Сассуоло"дан Мануэль Локателлини сотиб олди.
Calcio e Finanza нашрининг хабарига кўра, ярим ҳимоячини сотиб олиш варианти "Ювентус"нинг "Салернитана"га қарши ўйинидан сўнг (3:0) автоматик равишда фаоллаштирилган. Футболчининг тўлиқ трансфери учун "Ювентус" 25 миллион евро беради. Ушбу миқдор уч молиявий йил давомида тўланади.
Шартномада 12,5 миллион евро миқдоридаги бонуслар ҳам бор. Бу сумманинг бир қисмини – 5 миллион еврони тўлаш шартлари аллақачон бажарилган.
Локателли 2021 йилнинг ёзида "Сассуоло"дан "Ювентус"га ижарага ўтган эди. Ўшандан бери у туринликлар сафида А Серияда 49 та ўйинда майдонга тушиб, 3 та гол ва 4 та голли узатмага муаллифлик қилган.
