So‘nggi uch hafta davomida «Paxtakor» qiyin davrni boshdan o‘tkazdi deyish mumkin. Klub kelajagi borasida qator savollar mavjud edi va ularning hammasiga ham hozirga qadar javob topilmadi.

Biroq «Paxtakor» bir necha yillardan buyon to‘g‘ri tizimda faoliyat olib kelayotgani sababli moliyaviy muammolar jamoaning kayfiyatidan boshqa narsaga ta’sir o‘tkazayotgani yo‘q, ish bir maromda davom etyapti. Asosiy futbolchilar va mutaxassislar bilan bir necha yillik shartnomalar imzolangani, klub strukturasidagi mutaxassislar o‘z vazifasi his qilishi klubning shunchaki sochilib ketmasligiga sabab bo‘ladi. Oylik-maoshlar kechikishi mumkin, biroq ish to‘xtab qolmaydi.  

Bizning sharoitda shunday — homiylar, investorlar o‘zgarib turishi mumkin. Biroq ish bir tekis davom etishi uchun klub to‘la shakllangan bo‘lishi muhim ahamiyat kasb etadi. «Paxtakor», «Nasaf», «Bunyodkor», OKMK, «Metallurg, «Lokomotiv», «Turon», «Sho‘rtan» kabi klublar shunday ishlayapti. Professional futbol klubi va shunchaki futbol jamoasi o‘rtasidagi farq qanday ekanligini o‘zbek futboli jamoatchiligi tobora tushunib borayotgani bizning katta yutug‘imiz.

Diyor Imomxo‘jayev.