"Vulverxempton" yarim himoyachisi Ruben Nevesh kelasi mavsum "Barselona" safida bo‘lishi mumkin.

Mundo Deportivo nashri xabariga ko‘ra, portugaliyalik agent Jorje Mendesh yana bir bor "ko‘k-anorranglilar"ga 25 yoshli yarim himoyachini sotib olishni taklif qilgan.

Hozircha transferga asosiy to‘siq bo‘lib "bo‘rilar"ning o‘z yarim himoyachisini sotish bo‘yicha yuqori moliyaviy talablari bo‘lmoqda. "Barselona" moliyaviy muammolarga duch kelgani sababli, yangi futbolchini transfer qilish uchun katta pul to‘lashga qurbi yetmaydi.

Neveshning "Vulverxempton" bilan shartnomasi 2024 yilning yozida yakuniga yetadi. Bu "Barselona"ga chegirma olishiga yordam berishi mumkin.