Madridliklar finalda “Al-Hilol”ni mag‘lub etib (5:3) sakkiz karra klublar o‘rtasidagi jahon chempioniga aylandi. Bu kubok barcha turnirlar tarixidagi “qaymoqranglilar” uchun yuzinchi bo‘ldi, shuningdek, klubning amaldagi prezidenti Florentino Peres boshqaruvidagi 31-sovrin va Karlo Anchelotti murabbiyligidagi to‘qqizinchi bo‘ldi.
Eslatib o‘tamiz, o‘tgan mavsumda "Real Madrid" Ispaniya La Ligasi, Ispaniya Superkubogi va Chempionlar Ligasida g‘olib chiqqan edi. Joriy mavsumda jamoa ichki maydonda hali u qadar muvaffaqiyat qozongani yo‘q: Ispaniya Superkubogi allaqachon boy berilgan, La Ligada esa “Barselona” peshqadam. Chempionlar ligasining 1/8 finalida Anchelotti shogirdlari “Liverpul” bilan o‘ynaydi.
