Italiyaning uchta klubi birdaniga Chempionlar ligasining pley-off bosqichida kurashni davom ettiradi, bular “Napoli”, “Inter” va “Milan”. Ilgari "Milan"da to‘p surgan Filippo Galli har bir jamoaning Yevropa futbolidagi eng nufuzli klub turnirida kurashni davom ettirish imkoniyatlari haqida o‘z fikrlari bilan o‘rtoqlashdi.
- "Napoli" eng zamonaviy futbol o‘ynaydi, menimcha, "Ayntraxt"ga qarshi o‘yinda bu ularga osonroq bo‘ladi. "Portu" "Inter"ga qiyinchilik tug‘diradi, bunga shubha yo‘q. "Milan" uchun undan ham qiyinroq bo‘ladi, Antonio Konte, albatta, "rossonerilar" bilan o‘yinlarga eng yaxshi tarzda tayyorgarlik ko‘radi", deya Galli so‘zlarini keltiradi fcinter1908.it.