«Nyukasl» bosh murabbiyi Eddi Xau jamoaning Premyer-liga doirasidagi «Bornmut» bilan o‘yinini (1:1) yuqori baholadi.
«Qiyin o‘yin bo‘ldi. Ikkala jamoa ham bir-biriga munosib edi. «Bornmut» juda kuchli shakllangan, o‘yinchilar ancha baquvvat va men ularga qarshi yaxshi o‘ynadik deb o‘ylayman, ba’zi daqiqalarni hisobga olmagan holda, albatta. Ammo natija, menimcha, adolatli bo‘ldi», - deya Xauning so‘zlaridan iqtibos keltiradi BBC Sport.
«Nyukasl» 41 ochko jamg‘arib, turnir jadvalida to‘rtinchi o‘rinni egallab turishibdi. Jamoa so‘nggi beshta o‘yinning to‘rttasida durang qayd etgan.
«Bornmut» hamon 18 ochko va 19-o‘rin bilan quyi ligaga tushib ketish zonasida bormoqda.
