"Manchester Siti" hujumchisi Erlin Xoland o‘zining navbatdagi maqsadlari haqida gapirdi, shuningdek, joriy mavsumdagi o‘yini haqida fikr bildirdi.
"25 ta gol? Albatta, bu normal holat emas. Lekin tushundimki, bu jamoa bir mavsumda 100 ta gol urishga odatlangan. Shunday ekan, hujumchi sifatida kelib, gol urishimni bilardim.
Maqsadim - sovrinlar yutish. Hozir biz may oyida nima bo‘lishi mumkinligi haqida ko‘p o‘ylay olmaymiz va men o‘yindan o‘yinga kuchayishimiz kerak deb o‘ylayman. Maqsadim "Arsenal"ga qarshi o‘yinda g‘alaba qozonish. Premyer-ligada raqobat qiyin. Har bir o‘yin muhim. “Tottenxem”ga yutqazganimizda esa hamma narsani yo‘qotgandek tuyulardi. Hozir esa birdaniga yana kurashga qaytdik", - deya Xolandning so‘zlarini keltiradi "Manchester Siti" rasmiy sayti.
