"Манчестер Сити" ҳужумчиси Эрлин Холанд ўзининг навбатдаги мақсадлари ҳақида гапирди, шунингдек, жорий мавсумдаги ўйини ҳақида фикр билдирди.
"25 та гол? Албатта, бу нормал ҳолат эмас. Лекин тушундимки, бу жамоа бир мавсумда 100 та гол уришга одатланган. Шундай экан, ҳужумчи сифатида келиб, гол уришимни билардим.
Мақсадим - совринлар ютиш. Ҳозир биз май ойида нима бўлиши мумкинлиги ҳақида кўп ўйлай олмаймиз ва мен ўйиндан ўйинга кучайишимиз керак деб ўйлайман. Мақсадим "Арсенал"га қарши ўйинда ғалаба қозониш. Премьер-лигада рақобат қийин. Ҳар бир ўйин муҳим. “Тоттенхэм”га ютқазганимизда эса ҳамма нарсани йўқотгандек туюларди. Ҳозир эса бирданига яна курашга қайтдик", - дея Холанднинг сўзларини келтиради "Манчестер Сити" расмий сайти.
