Ertaga Isroilning Tel-Aviv shahrida dzyudo bo‘yicha “Katta dubulg‘a” turniri start oladi. Ma’lum qilganimizdek, ushbu musobaqada O‘zbekiston terma jamoasidan faqatgina Gulnoza Matniyazova ishtirok etadi. Bugun bahslarga qur’a tashlash marosimi bo‘lib o‘tdi va sportchilar o‘z raqiblarini bilib olishdi.
Unga ko‘ra, -70 kg vazn toifasida qatnashadigan yurtdoshimiz turnirni mo‘g‘ulistonlik Basanjargal Bayarbatga qarshi boshlaydi. Agar ushbu raqib to‘sig‘idan o‘ta olsa, Luana Karvalyo (Braziliya) va Maya Goshen (Isroil) juftligi g‘olibi bilan chorak final yo‘llanmasi uchun kurashadi. Matniyazovaning vazn toifasidagi bahslar 17-fevral kuni bo‘lib o‘tadi.
