"Yuventus"ning markaziy himoyachisi Bremer "Nant" bilan Yevropa ligasi 1/16 final uchrashuvidan oldingi fikrlari bilan o‘rtoqlashdi, shuningdek, moliyaviy firibgarlik ayblovlari bilan bog‘liq janjal fonida jamoaning ahvoli haqida gapirdi.

"Bu muhim o‘yin bo‘ladi. Biz finalga chiqishimiz kerak va buning uchun ertadan boshlab bosqichma-bosqich, o‘yindan o‘yinga o‘tishimiz kerak. "Nant" haqida qanday fikrdaman? Biz ularning o‘yinlarini ko‘rdik, ular juda chiroyli o‘yin ko‘rsatadigan juda ozoda jamoa. Uchrashuvga ham mas’uliyat bilan yondashishimiz kerak.

Uch-to‘rtta himoyachi bo‘ladimi? Men har qanday sxemaga moslashaman, bu muammo emas. Men shaxsan shu paytgacha qilgan ishlarimdan mamnunman va o‘sishda davom etishim kerak. Jamoaviy miqyosda biz ham o‘z qadrimizni isbotladik va biz nimaga loyiq ekanligimizni bilamiz. Butun jamoa yaxshi, biz ham xuddi shunday ruhda, ijobiy fikrda davom etishimiz kerak. Keyin mavsum oxirida qayerda bo‘lishimizni ko‘ramiz", - dedi Bremer "Yuventus" klubi rasmiy saytiga.