"Ювентус"нинг марказий ҳимоячиси Бремер "Нант" билан Европа лигаси 1/16 финал учрашувидан олдинги фикрлари билан ўртоқлашди, шунингдек, молиявий фирибгарлик айбловлари билан боғлиқ жанжал фонида жамоанинг аҳволи ҳақида гапирди.
"Бу муҳим ўйин бўлади. Биз финалга чиқишимиз керак ва бунинг учун эртадан бошлаб босқичма-босқич, ўйиндан ўйинга ўтишимиз керак. "Нант" ҳақида қандай фикрдаман? Биз уларнинг ўйинларини кўрдик, улар жуда чиройли ўйин кўрсатадиган жуда озода жамоа. Учрашувга ҳам масъулият билан ёндашишимиз керак.
Уч-тўртта ҳимоячи бўладими? Мен ҳар қандай схемага мослашаман, бу муаммо эмас. Мен шахсан шу пайтгача қилган ишларимдан мамнунман ва ўсишда давом этишим керак. Жамоавий миқёсда биз ҳам ўз қадримизни исботладик ва биз нимага лойиқ эканлигимизни биламиз. Бутун жамоа яхши, биз ҳам худди шундай руҳда, ижобий фикрда давом этишимиз керак. Кейин мавсум охирида қаерда бўлишимизни кўрамиз", - деди Бремер "Ювентус" клуби расмий сайтига.
