"Yuventus" yarim himoyachi Adriyen Rabyo bilan shartnomani uzaytirmoqchi.

Calciomercato nashri xabariga ko‘ra, A Seriya klubining taklifi fransuz futbolchisi talab qilgan 10 million yevro maoshidan ancha past. "Yuventus" futbolchining agentiga uning hozirgi maoshini yana ikki mavsum uchun 7 million yevro taklif qilishlari mumkinligini aytdi.

Rabyo "Yuventus" safida 2019 yildan buyon o‘ynab kelmoqda. Shartnoma 2023 yilning yoziga qadar mo‘ljallangan.

27 yoshli futbolchi joriy mavsumda barcha turnirlarda 24 ta o‘yinda maydonga tushib, 6 ta gol urdi va 2 ta golli uzatmani amalga oshirdi.