Barchaga ma’lumki Angliya Premyer-ligasi hozirda jahonning eng kuchli ligasi bo‘lib turibdi. Quyida ushbu ligaga oid bir qancha qiziqarli faktlar va ma’lumotlar bilan tanishishingiz mumkin.
— Teo Uolkott Arsen Venger boshqaruvidagi "Arsenal" safida eng ko‘p maydonga tushga 3-futbolchi hisoblanadi - 270 o‘yin. Undan faqat Patrik Viyeyra (276) va Denis Bergkamp (277) ko‘proq o‘yin o‘tkazgan.
— Tyerri Anri "Arsenal" safida harakat qilib yurgan vaqtlari Fransiyaning quyi ligasi o‘yinlarini kuzatib borgan. Sababi: o‘z iqtidorini rivojlantirish uchun nimalarga e’tibor qaratishi uchun.
— "Aston Villa" hamda "Arsenal" APLda 60 o‘yinlik o‘zaro tarixida hech qachon golsiz durang o‘ynamagan.
— "Chelsi"ning eng qimmat transferi Enso Fernandesga ota-onasi urugvaylik mashhur futbolchi Enso Francheskoli ismini qo‘yishgan. Shuningdek, Zidan ham to‘ng‘ich o‘g‘lining ismini Enso ko‘ygan.
— Xarri Keyn APLning barcha oyida va haftaning hamma kunlarida gol urgan yagona Premyer-liga futbolchisi hisoblanadi.
— "Lester" bosh murabbiyi Brendan Rojers "MYU"ning afsonaviy bosh murabbiyi Ser Aleks Fergyusondan so‘ng Shotlandiya va Angliya kubogini yutgan ilk murabbiy hisoblanadi.
— "Sautgempton"ning kechagina ishdan bo‘shatilgan sobiq bosh murabbiyi Natan Jonsga yoshligida oilasi hech qachon yakshanba kunlari futbol o‘ynashga ruxsat bermagan. Sabab: ota-onasining nasroniylik diniga bo‘lgan e’tiqodi.
— Angliyaning quyi liga vakili bo‘lgan "Salford Siti"ning o‘z veb-saytida klub tarixidagi eng yaxshi to‘purarlar haqida rasmiy ma’lumot yo‘q. Chunki 2009 yilda klub bazasida yuzaga kelgan yong‘in barcha arxivlarni yo‘q qilgan. Jamoada faqat yaqin 14 yillikning to‘purarlar ro‘yxati bor.
— "Everton"ning yangi bosh murabbiyi Shon Daych dastavval klubga kelganida, mavsum oxirigacha o‘rinbosarlarga murabbiy bo‘lishni istagandi.
