Барчага маълумки Англия Премьер-лигаси ҳозирда жаҳоннинг энг кучли лигаси бўлиб турибди. Қуйида ушбу лигага оид бир қанча қизиқарли фактлар ва маълумотлар билан танишишингиз мумкин.

— Тео Уолкотт Арсен Венгер бошқарувидаги "Арсенал" сафида энг кўп майдонга тушга 3-футболчи ҳисобланади - 270 ўйин. Ундан фақат Патрик Виейра (276) ва Денис Бергкамп (277) кўпроқ ўйин ўтказган.

— Тьерри Анри "Арсенал" сафида ҳаракат қилиб юрган вақтлари Франциянинг қуйи лигаси ўйинларини кузатиб борган. Сабаби: ўз иқтидорини ривожлантириш учун нималарга эътибор қаратиши учун.

— "Астон Вилла" ҳамда "Арсенал" АПЛда 60 ўйинлик ўзаро тарихида ҳеч қачон голсиз дуранг ўйнамаган.

— "Челси"нинг энг қиммат трансфери Энцо Фернандесга ота-онаси уругвайлик машҳур футболчи Энцо Франческоли исмини қўйишган. Шунингдек, Зидан ҳам тўнғич ўғлининг исмини Энцо кўйган.

— Харри Кейн АПЛнинг барча ойида ва ҳафтанинг ҳамма кунларида гол урган ягона Премьер-лига футболчиси ҳисобланади.

— "Лестер" бош мураббийи Брендан Рожерс "МЮ"нинг афсонавий бош мураббийи Сер Алекс Фергюсондан сўнг Шотландия ва Англия кубогини ютган илк мураббий ҳисобланади.

— "Саутгемптон"нинг кечагина ишдан бўшатилган собиқ бош мураббийи Натан Жонсга ёшлигида оиласи ҳеч қачон якшанба кунлари футбол ўйнашга рухсат бермаган. Сабаб: ота-онасининг насронийлик динига бўлган эътиқоди.

— Англиянинг қуйи лига вакили бўлган "Сальфорд Сити"нинг ўз веб-сайтида клуб тарихидаги энг яхши тўпурарлар ҳақида расмий маълумот йўқ. Чунки 2009 йилда клуб базасида юзага келган ёнғин барча архивларни йўқ қилган. Жамоада фақат яқин 14 йилликнинг тўпурарлар рўйхати бор.

— "Эвертон"нинг янги бош мураббийи Шон Дайч даставвал клубга келганида, мавсум охиригача ўринбосарларга мураббий бўлишни истаганди.