O‘zingizga ma’lum, «Nasaf» OCHL-2022 guruh bosqichida 2-o‘rinni egallab, pley-off yo‘llanmasini qo‘lga kiritdi. OCHLning 1/8 finalida jamoamiz Saudiya Arabistoning «AshShabab» jamoasi bilan bellashadi. Bu uchrashuvga 19 fevral kuni Toshkent vaqti bilan 23:00 da start beriladi. Bellashuvni «UzReport» TV jonli namoyish etadi.

Bellashuvgacha...

Barchaga ma’lum, hali yurtimizda chempionat boshlanmaganligi sababli «Nasaf» yangi mavsumga tayyorgarlik ko‘rish maqsadida Turkiyaning Antaliya shahrida o‘quv-mashg‘ulot yig‘inida ishtirok etib, sakkizta nazorat uchrashuvida maydonga tushdi. Sakkizta o‘yinda to‘rt bor g‘alaba qozonildi va yana shuncha durang qayd etildi.

Raqibdagi vaziyat esa umuman boshqacha. Chunki ularda hozir mavsum davom etmoqda. «Ash-SHabab» Saudiya Arabistoni Premyer ligasidagi oxirgi to‘rt bellashuvda faqat g‘alaba qozongan.

Bellashuv oldi rasmiy tadbirlar haqida:

18 fevral kuni Toshkent vaqti bilan soat 12:00 da musobaqa tashkilotchilari va har ikkala klub rahbariyati ishtirokida miting; soat 14:00 qarshiliklar bosh murabbiyi Ro‘ziqul Berdiyev va hujumchi Husayn Norchayev bellashuv oldi matbuot anjumanida ishtirok etadilar.

OFK «Nasaf» haqida...

Qatarda bo‘lib o‘tadigan bellashuvlardan oldin OFK rasmiy sayti 1/8 final ishtirokchilariga alohida to‘xtalib o‘tmoqda. OFK jamoa tarixi, jamoaning tashkil etilganidan buyon xalqaro maydonlarda ko‘rsatgan o‘yinlari va yutuqlariga to‘xtalib o‘tgan.

«Nasaf» futbol klubi matbuot xizmati.