Joze Mourinyo «Verona»ga qarshi o‘yindan so‘ng jurnalistlar bilan suhbatlashdi.
«Bu jamoaviy yutuq bo‘ldi. Karsdorp ikki oydan ortiq maydonga tushmadi, Spinassola jarohatdan qaytdi.
Belotti sanoqli o‘yinlarda ishtirok etgan. Solbakken endigina taktikamizni o‘rganmoqda. El-SHaaravi ham yaxshi o‘yin amaliyotiga ega emas. Belotti gol urishga haqli edi.
Ko‘nglim to‘lmagani — stadiondagi odamlar. Ular o‘z futbolchilariga ishonmaydilar, vaziyatni tushunmaydilar yoki tushunishni xohlamaydilar. 15-30 daqiqadan so‘ng bizda noto‘g‘ri uzatmalar mavjud bo‘lsa, ular bizni mazax qilishni boshlaydilar.
Men qariman, 60 yoshdaman, ko‘p o‘yinlarni yutganman. Menga chiroyli so‘zlar kerak emas. Yigitlarga muxlislar kerak», - dedi murabbiy.
