«Tottenxem»ning sobiq bosh murabbiyi, hozirda ishsiz yurgan Maurisio Pochettino yana ushbu klub boshqaruviga qaytishi mumkinligi haqida xabar bergan edik.

Bunga Antonio Kontening muammolari sabab bo‘lmoqda - italiyalik mutaxassis ayni dam sog‘ligi yomonlashgani sababli jamoani boshqara olmayapti.

Kontening mavsum oxirida klubni tark etishi ehtimoli bor va uning sog‘ligiga nima bo‘lishidan qat’i nazar, rahbariyat uning o‘rniga turli variantlarni ko‘rib chiqadi.

Italiyalik jurnalist Nikolo Skiraning fikricha, shu nuqtayi nazardan, Pochettinoning «Tottenxem» boshqaruviga qaytishi ehtimoli ortib bormoqda.