«Тоттенхэм»нинг собиқ бош мураббийи, ҳозирда ишсиз юрган Маурисио Почеттино яна ушбу клуб бошқарувига қайтиши мумкинлиги ҳақида хабар берган эдик.
Бунга Антонио Контенинг муаммолари сабаб бўлмоқда - италиялик мутахассис айни дам соғлиги ёмонлашгани сабабли жамоани бошқара олмаяпти.
Контенинг мавсум охирида клубни тарк этиши эҳтимоли бор ва унинг соғлигига нима бўлишидан қатъи назар, раҳбарият унинг ўрнига турли вариантларни кўриб чиқади.
Италиялик журналист Николо Скиранинг фикрича, шу нуқтайи назардан, Почеттинонинг «Тоттенхэм» бошқарувига қайтиши эҳтимоли ортиб бормоқда.
