O‘tgan yoz oxirida "Yuventus" "PSJ"dan yarim himoyachi Leandro Paredesni ijaraga olgandi. Relevo nashriga ma’lum bo‘lishicha, Turin klubi allaqachon 28 yoshli argentinalik futbolchini 22 million yevroga sotib olmaslikka qaror qilgan. "Keksa senyora"da shunday imkoniyat bor - bu klublar o‘rtasidagi shartnomada ko‘rsatilgan.
Shu bilan birga, qayd etilishicha, muayyan shartlar ostida Leandro Paredesni sotib olish imkoniyati majburiy holga kelishi mumkin. Biroq, bu shartlarni bajarish qiyin.
Leandro Paredes “Yuventus” safida 21 ta o‘yinda maydonga tushdi. Argentinalik futbolchi gol urmadi, lekin bitta samarali uzatmani amalga oshirdi.
U o‘z terma jamoasi bilan Qatarda o‘tgan mundialda g‘olib chiqdi.