Ўтган ёз охирида "Ювентус" "ПСЖ"дан ярим ҳимоячи Леандро Паредесни ижарага олганди. Relevo нашрига маълум бўлишича, Турин клуби аллақачон 28 ёшли аргентиналик футболчини 22 миллион еврога сотиб олмасликка қарор қилган. "Кекса сеньора"да шундай имконият бор - бу клублар ўртасидаги шартномада кўрсатилган.
Шу билан бирга, қайд этилишича, муайян шартлар остида Леандро Паредесни сотиб олиш имконияти мажбурий ҳолга келиши мумкин. Бироқ, бу шартларни бажариш қийин.
Леандро Паредес “Ювентус” сафида 21 та ўйинда майдонга тушди. Аргентиналик футболчи гол урмади, лекин битта самарали узатмани амалга оширди.
У ўз терма жамоаси билан Қатарда ўтган мундиалда ғолиб чиқди.
