"PSJ" vakillari jamoaning sobiq bosh murabbiyi Tomas Tuxel bilan germaniyalik mutaxassisning jamoaga qaytishi mumkinligi borasida muzokara olib borishga tayyor, deb xabar beradi Evening Standard.

49 yoshli germaniyalik mutaxassis ma’lum kafolatlar so‘rashi mumkin: transfer masalalariga ortiqcha aralashmasdan, o‘z e’tiborini murabbiy sifatidagi ishiga qaratish, shuningdek, rahbariyat maslahatisiz jamoa qarorlarini qabul qila olish.

"PSJ"ni tark etgach, Tuxel "Chelsi"ni boshqargan va u tayinlanganidan keyin olti oy o‘tib Chempionlar ligasida g‘olib chiqqan. Mavsum boshida murabbiy ingliz klubidan haydalgan edi, shu bois u hozirda ishsiz.

Oldinroq parijliklar rahbariyatida nemis mutaxassisi bilan qayta hamkorlik qilish g‘oyasini hamma ham qo‘llab-quvvatlamayotgani xabar qilingandi.