"ПСЖ" вакиллари жамоанинг собиқ бош мураббийи Томас Тухель билан германиялик мутахассиснинг жамоага қайтиши мумкинлиги борасида музокара олиб боришга тайёр, деб хабар беради Evening Standard.
49 ёшли германиялик мутахассис маълум кафолатлар сўраши мумкин: трансфер масалаларига ортиқча аралашмасдан, ўз эътиборини мураббий сифатидаги ишига қаратиш, шунингдек, раҳбарият маслаҳатисиз жамоа қарорларини қабул қила олиш.
"ПСЖ"ни тарк этгач, Тухель "Челси"ни бошқарган ва у тайинланганидан кейин олти ой ўтиб Чемпионлар лигасида ғолиб чиққан. Мавсум бошида мураббий инглиз клубидан ҳайдалган эди, шу боис у ҳозирда ишсиз.
Олдинроқ парижликлар раҳбариятида немис мутахассиси билан қайта ҳамкорлик қилиш ғоясини ҳамма ҳам қўллаб-қувватламаётгани хабар қилинганди.
