"Leypsig" hujumchisi Timo Verner nima uchun Londonning "Chelsi" jamoasida o‘ynay olmaganini tushuntirdi. Eslatib o‘tamiz, nemis yozda "ko‘k"larni tark etib, 20 million yevro evaziga Bundesligaga qaytgan edi.
"Chelsi"dagi muammolarim klub Lukakuni sotib olgach boshlandi. Men har bir o‘yinda maydonga tushib, klubga Chempionlar ligasida g‘alaba qozonishiga yordam berdim, keyin Tomas Tuxel mendan ko‘ra 113 million evroga kelgan futbolchini tanladi. Romelu o‘ynashdan boshqa iloji yo‘q edi, chunki unga ko‘p pul to‘langan", - deya Vernerdan iqtibos keltiradi jurnalist Saymon Fillips.
Verner joriy mavsumda Bundesligada 15 ta o‘yinda maydonga tushib, 5 ta gol va 1 ta golli uzatmani amalga oshirdi.
