"Лейпциг" ҳужумчиси Тимо Вернер нима учун Лондоннинг "Челси" жамоасида ўйнай олмаганини тушунтирди. Эслатиб ўтамиз, немис ёзда "кўк"ларни тарк этиб, 20 миллион евро эвазига Бундеслигага қайтган эди.
"Челси"даги муаммоларим клуб Лукакуни сотиб олгач бошланди. Мен ҳар бир ўйинда майдонга тушиб, клубга Чемпионлар лигасида ғалаба қозонишига ёрдам бердим, кейин Томас Тухель мендан кўра 113 миллион эврога келган футболчини танлади. Ромелу ўйнашдан бошқа иложи йўқ эди, чунки унга кўп пул тўланган", - дея Вернердан иқтибос келтиради журналист Саймон Филлипс.
Вернер жорий мавсумда Бундеслигада 15 та ўйинда майдонга тушиб, 5 та гол ва 1 та голли узатмани амалга оширди.
