«Барселона» трансфер бозорида тезкор ҳаракат қилмоқда. Барчаси шу томонга қараб кетмоқдаки, каталонияликлар ҳужум чизиғига Энтони Гордонни қўшиб олишади. Бу футболчи ҳужумнинг учта позициясида — марказий ҳужумчи ва ҳар иккала қанотда ўйнай олади.
Журналистлар Бен Жейкобс ва Алекс Крук хабар беришича, «Барселона» «Ньюкасл» билан Гордоннинг трансфери бўйича 70 миллион фунт стерлинг (80,8 миллион евро) эвазига келишиб олган. Бонуслар ҳисобига бу сумма янада ошиши мумкин.
«Барселона» келишув тез фурсатда расмийлаштирилишини кутмоқда — каталонияликлар аллақачон 25 ёшли ўйинчи учун тиббий кўрикни режалаштиришмоқда. Аввалроқ Гордон «Барселона» билан шахсий шартнома шартларини келишиб олгани ҳақида маълумотлар пайдо бўлганди.
