"Uotford" va "Valensiya"ning sobiq bosh murabbiyi Xavi Grasiya "Lids" bosh murabbiyligida ish boshlashga yaqin. Jurnalist Fabrisio Romanoning so‘zlariga ko‘ra, ispaniyalik "Elland Road"ga bugun ertalab yetib kelgan. Birozdan so‘ng Grasiyaning tayinlangani haqida rasman e’lon qilinadi.

Qayd etilishicha, Xavining "Lids" bilan shartnomasi mavsum oxirigacha amal qiladi. Keyin, katta ehtimol bilan, jamoa uzoq muddatga murabbiy topishga harakat qiladi. Eslatib o‘tamiz, "Lids" ayni damda Angliya Premyer-ligasidan tushib ketish zonasida.

Grasiya avvalroq Angliya premer-ligasi vakili “Uotford”ni boshqargan.