"Уотфорд" ва "Валенсия"нинг собиқ бош мураббийи Хави Грасия "Лидс" бош мураббийлигида иш бошлашга яқин. Журналист Фабрицио Романонинг сўзларига кўра, испаниялик "Элланд Роад"га бугун эрталаб етиб келган. Бироздан сўнг Грасиянинг тайинлангани ҳақида расман эълон қилинади.

Қайд этилишича, Хавининг "Лидс" билан шартномаси мавсум охиригача амал қилади. Кейин, катта эҳтимол билан, жамоа узоқ муддатга мураббий топишга ҳаракат қилади. Эслатиб ўтамиз, "Лидс" айни дамда Англия Премьер-лигасидан тушиб кетиш зонасида.

Грасия аввалроқ Англия премер-лигаси вакили “Уотфорд”ни бошқарган.