"Atletiko" yarim himoyachisi Rodrigo de Paul "Real"ga qarshi Madrid derbisini o‘tkazib yuboradi. Argentinalik futbolchi "Atletik"ga qarshi so‘nggi o‘yinda o‘zini noqulay his qilgan. Tibbiy ko‘rik davomida de Paulda chap son mushaklari shikastlangani aniqlangan.

Ispan OAVlari De Paul "Real" bilan o‘yingacha aniq tiklanishga ulgurmasligini ta’kidlamoqda. La Ligadagi Madrid derbisi kelasi shanba, 25 fevral kuni bo‘lib o‘tadi.

2022/2023-yilgi mavsumda Rodrigo “Atletiko” safida 25 ta o‘yinda maydonga tushdi. Ularda argentinalik futbolchi ikkita gol urdi va sheriklariga uchta golli uzatma berdi.