"Атлетико" ярим ҳимоячиси Родриго де Пауль "Реал"га қарши Мадрид дербисини ўтказиб юборади. Аргентиналик футболчи "Атлетик"га қарши сўнгги ўйинда ўзини ноқулай ҳис қилган. Тиббий кўрик давомида де Паулда чап сон мушаклари шикастлангани аниқланган.
Испан ОАВлари Де Пауль "Реал" билан ўйингача аниқ тикланишга улгурмаслигини таъкидламоқда. Ла Лигадаги Мадрид дербиси келаси шанба, 25 феврал куни бўлиб ўтади.
2022/2023-йилги мавсумда Родриго “Атлетико” сафида 25 та ўйинда майдонга тушди. Уларда аргентиналик футболчи иккита гол урди ва шерикларига учта голли узатма берди.