Madridning “Real” klubi himoyachisi David Alaba YECHL 1/8 finali doirasida “Liverpul”ga qarshi o‘yinda jarohat oldi. Avstriyalik futbolchi birinchi bo‘lim o‘rtalarida maydonni tark etishga majbur bo‘ldi. Uning o‘rniga Nacho o‘yinning qolgan qismini o‘tkazdi.
Futbolchining jarohatiga tashxis hozircha ma’lum emas. Tez orada David tibbiy ko‘rikdan o‘tishi kutilmoqda, shundan so‘ng uning tiklanish vaqti ma’lum bo‘ladi.
“Enfild”da kechgan bahs 5:2 hisobida “Real”ning irodali g‘alabasi bilan yakunlandi. Uchrashuv davomida madridliklar 0:2 hisobida ortda qolayotgan edi.
Joriy mavsumda Alaba Ispaniya chempionatining 19 ta uchrashuvida qatnashib, bitta gol va 3 ta golli uzatmaga mualliflik qildi.
