Мадриднинг “Реал” клуби ҳимоячиси Давид Алаба ЕЧЛ 1/8 финали доирасида “Ливерпуль”га қарши ўйинда жароҳат олди. Австриялик футболчи биринчи бўлим ўрталарида майдонни тарк этишга мажбур бўлди. Унинг ўрнига Начо ўйиннинг қолган қисмини ўтказди.
Футболчининг жароҳатига ташхис ҳозирча маълум эмас. Тез орада Давид тиббий кўрикдан ўтиши кутилмоқда, шундан сўнг унинг тикланиш вақти маълум бўлади.
“Энфилд”да кечган баҳс 5:2 ҳисобида “Реал”нинг иродали ғалабаси билан якунланди. Учрашув давомида мадридликлар 0:2 ҳисобида ортда қолаётган эди.
Жорий мавсумда Алаба Испания чемпионатининг 19 та учрашувида қатнашиб, битта гол ва 3 та голли узатмага муаллифлик қилди.
