"Chelsi" yarim himoyachisi Meyson Maunt yozgi transfer oynasida jamoani tark etishi mumkin.
The Athletic xabariga ko‘ra, agar "ko‘klar" 24 yoshli futbolchi bilan shartnomani uzaytirish borasida kelisha olmasa, yarim himoyachi bilan xayrlashishga tayyor.
Avvalroq, "Chelsi" Maunt bilan hamkorlikni uzaytirish bo‘yicha muzokaralarni to‘xtatgani va kelgusi yozga ko‘chirgani xabar qilingandi.
Joriy mavsumda futbolchi barcha turnirlarni hisobga olgan holda 31 ta o‘yinda qatnashib, 3 ta gol urdi va 6 ta golli uzatmani amalga oshirdi.
Mauntning London jamoasi bilan shartnomasi 2023/24 yilgi mavsum oxirigacha amal qiladi. Transfermarkt portali futbolchining narxini 75 million yevroga baholamoqda.
