“Barselona” himoyachisi, ayni damda “Lechche”da ijara asosida o‘ynayotgan Samuel Umtiti faoliyatini “Milan”da davom ettirishi mumkin, deb xabar beradi Sport.es.
Nashrning yozishicha, milanliklar futbolchining "Lechche"da munosib mavsum o‘tkazayotganiga va u nisbatan yuqori saviyaga qaytganiga ishonmoqda.
“Milan” ham “Barselona” futbolchini ijara muddati tugagach, tekinga qo‘yib yuborishiga umid qilmoqda.
Joriy mavsumda 29 yoshli fransiyalik futbolchi “Lechche” safida 12 ta o‘yin o‘tkazdi va gol ura olmadi. Transfermarkt portaliga ko‘ra futbolchining narxi 2 million yevroga baholanmoqda.