“Барселона” ҳимоячиси, айни дамда “Лечче”да ижара асосида ўйнаётган Самуэль Умтити фаолиятини “Милан”да давом эттириши мумкин, деб хабар беради Sport.es.

Нашрнинг ёзишича, миланликлар футболчининг "Лечче"да муносиб мавсум ўтказаётганига ва у нисбатан юқори савияга қайтганига ишонмоқда.

“Милан” ҳам “Барселона” футболчини ижара муддати тугагач, текинга қўйиб юборишига умид қилмоқда.

Жорий мавсумда 29 ёшли франциялик футболчи “Лечче” сафида 12 та ўйин ўтказди ва гол ура олмади. Transfermarkt порталига кўра футболчининг нархи 2 миллион еврога баҳоланмоқда.