"Bayer" bosh murabbiyi Xabi Alonso Yevropa ligasi 1/16 finali javob uchrashuvida "Monako" ustidan qozonilgan g‘alaba (3:2, 5:3 - pen) haqida gapirdi.

Ispaniyalik mutaxassisning so‘zlariga ko‘ra, leverkuzenliklar o‘yindan oldin 11 metrlik zarbalar bo‘yicha mashg‘ulotlar olib borishgan, shu bois u o‘yindan keyingi seriyada asabiylashmagan.

“Men penaltilar seriyasidan oldin ham yigitlarga juda ishongandim. Biz ularni mashq qildik va mashg‘ulotlar yaxshi samara berdi", - deya Alonso so‘zlarini keltirmoqda UYEFA matbuot xizmati.

Bundan tashqari, mutaxassis monegasklar ikkinchi golni urganidan keyin shogirdlari emosional nazoratni saqlab qolishga muvaffaq bo‘lganini ta’kidladi. Alonsoning so‘zlariga ko‘ra, bu omil so‘nggi uchrashuvda kalit bo‘lgan.

Bugun, 24 fevral kuni Yevropa ligasining 1/8 final bosqichiga qur’a tashlash marosimi bo‘lib o‘tadi.