Kristof Galtye Liga 1 doirasida «PSJ»ning «Marsel»ga qarshi safar uchrashuvi oldidan fikr bildirdi.
«Bu muhim uchrashuv. Chempionlik poygasida atigi bir necha ochko bilan ajralib turgan jamoalar jangi desa ham bo‘ladi.
Qolaversa, yaqinda kubok bahslaridan chiqib ketdik. Lekin chempionlik uchun kurashda bu o‘yinni hal qiluvchi deb hisoblamayman.
Bu o‘yinda favorit bo‘lish uchun biz yanada dinamikroq o‘ynashimiz kerak. «Bavariya» bilan o‘yinning yakuni va «Lill» ustidan qozonilgan g‘alaba bizga ijobiy natijaga katta umid bag‘ishlaydi.
Yaxshi saviyadagi «Marsel»ga qarshi chiqish uchun juda yuqori kurashli o‘yin ko‘rsatishimiz kerak», – dedi «PSJ» bosh murabbiyi.
