"Real Madrid"da ular asta-sekin markaziy himoyachi Antonio Ryudiger haqidagi fikrlarini o‘zgartirmoqda. Diario AS xabariga ko‘ra, rahbariyat nemis futbolchisiga ishonch bildira boshlagan.

Ryudiger mavsumni unchalik ishonarli boshlagani yo‘q, ammo so‘nggi oyda Antonio o‘sishni ko‘rsatdi. Klub himoyachi uchun moslashish davri o‘tdi, deb hisoblamoqda, chunki endi u o‘zining optimal holatini namoyish qila boshladi.

Eslatib o‘tamiz, Ryudiger joriy mavsum boshlanishidan oldin Londonning "Chelsi" jamoasidan tekinga "Real"ga o‘tgandi. Ispaniya chempionatining o‘n to‘qqizta uchrashuvida Antonio bitta gol urgan.