Gollandiyalik mashhur sobiq futbolchi Ruud Gullit «Liverpul» himoyachisi Virjil van Deykni tanqid qildi.
«Van Deyk jarohatdan qaytganidan beri himoyada juda passiv harakat qildi. U epizodlarni tugatmaydi.
Albatta, futbolchining davri yomon damlardan iborat bo‘lishi ham mumkin, lekin u yetakchi bo‘lishi kerak», dedi Gullit.
«Liverpul» ayni damda APL turnir jadvalida 8-o‘rinda bormoqda. Yurgen Klopp shogirdlari shanba oqshomida mehmonda «Kristal Pelas»ga qarshi bahs olib boradi.