"Manchester Yunayted" hujumchisi Markus Reshford "Nyukasl"ga qarshi finalda ishtirok etishga tayyor.
25 yoshli futbolchi payshanba kuni Yevropa ligasi doirasida "Barselona"ga qarshi o‘yinda jarohat olgan va jamoa bosh murabbiyi Erik ten Xag yakshanba kuni bo‘lib o‘tgan Liga kubogi finalida hujumchining maydonga tushishiga ishonchi komil emasligini tasdiqlagandi. Bugun Reshford o‘yin uchun qaydnomaga kiritilgani ma’lum bo‘ldi - u "Uembli"da "Nyukasl" bilan uchrashuvda maydonga tushishi mumkin bo‘ladi.
Markus joriy mavsumda “Manchester Yunayted” safida 37 ta o‘yinda maydonga tushib, 24 ta gol urdi.