"Liverpul"da tarkibni jiddiy qayta qurish ishlari olib borilmoqda, bu haqda jamoa bosh murabbiyi Yurgen Klopp bir necha bor gapirdi.
Calciomercato xabariga ko‘ra, "Liverpul" yozda "Milan" hujumchisi Rafael Leauni sotib olmoqchi. 23 yoshli portugaliyalikni 150 million yevroga sotib olish mumkin bo‘ladi. Mersisaydliklar Luis Diasni shartnomaga qo‘shib, bu miqdorni kamaytirishni rejalashtirmoqda.
Rafael Leauning "Milan" bilan amaldagi shartnomasi 2024 yilning o‘rtalariga qadar tuzilgan. “Rossonerilar” shartnomani uzaytirish borasida muzokaralar olib bormoqda. Agar kelishuv amalga oshmasa, Italiya klubi bir yildan keyin tekinga qo‘yib yubormaslik uchun futbolchini yozda sotishi oqilona bo‘ladi, degan fikrda.
