Italiya chempionatining 24-turidan o‘rin olgan uchrashuvda “Lasio” “Sampdoriya” bilan o‘yin yakunlanishiga o‘n daqiqa qolganida g‘alaba to‘pini kiritib, g‘alaba qozonishga muvaffaq bo‘ldi. Gol muallifi Luis Alberto bo‘ldi, u jarima maydonchasi tashqarisidan ajoyib zarba yo‘lladi. Uchrashuvdan so‘ng, g‘alaba goli muallifi o‘yin haqidagi fikrlari bilan o‘rtoqlashdi.
"O‘yin boshidanoq o‘yin shiddatli bo‘lishini bilgandik, chunki raqib jismonan yaxshi tayyorgarlik ko‘rgan jamoa edi. To‘g‘risini aytsam, ular turnir jadvalida u qadar past bo‘lishga loyiq emas. Biz oxirgi o‘yinlardagidek yaxshi o‘ynamadik, ammo gol urishga biroz omadimiz keldi", - dedi Luis Alberto cittaceleste.it bilan suhbatda.
