"Real Madrid" hujumchisi Rodrigo "Santyago Bernabeu"da "Barselona"ga qarshi bo‘lib o‘tadigan Ispaniya kubogi o‘yinida ishtirok etishi mumkin. Jurnalist Xose Luis Sanchesning xabar berishicha, braziliyalik bugungi jamoa mashg‘ulotlarida ishtirok etgan.
Eslatib o‘tamiz, Chempionlar ligasining ⅛ finalida "Liverpul"ga qarshi o‘yindan so‘ng, Rodrigo jarohati tufayli 10 kunga yaqin maydonga tusha olmasligi ma’lum bo‘lgandi. Hujumchi Madrid derbisida "Atletiko"ga qarshi maydonga tushmagan, biroq manbaning xabariga ko‘ra, ertaga tibbiyot xodimlari futbolchining holatiga baho berishadi, shundan so‘ng uning "Barselona" bilan o‘yindagi ehtimoliy ishtiroki haqida qaror qabul qilishadi.
Rodrigo La Liganing ushbu mavsumida 4 ta gol va 5 ta golli uzatmaga ega.
