"Реал Мадрид" ҳужумчиси Родриго "Сантьяго Бернабеу"да "Барселона"га қарши бўлиб ўтадиган Испания кубоги ўйинида иштирок этиши мумкин. Журналист Хосе Луис Санчеснинг хабар беришича, бразилиялик бугунги жамоа машғулотларида иштирок этган.
Эслатиб ўтамиз, Чемпионлар лигасининг ⅛ финалида "Ливерпуль"га қарши ўйиндан сўнг, Родриго жароҳати туфайли 10 кунга яқин майдонга туша олмаслиги маълум бўлганди. Ҳужумчи Мадрид дербисида "Атлетико"га қарши майдонга тушмаган, бироқ манбанинг хабарига кўра, эртага тиббиёт ходимлари футболчининг ҳолатига баҳо беришади, шундан сўнг унинг "Барселона" билан ўйиндаги эҳтимолий иштироки ҳақида қарор қабул қилишади.
Родриго Ла Лиганинг ушбу мавсумида 4 та гол ва 5 та голли узатмага эга.