"Manchester Yunayted" o‘ng qanot himoyachisi Aaron Van-Bissaka "Kristal Pelas"ga qaytishi mumkin.
London klubi 25 yoshli futbolchini yanvar oyida ijaraga olmoqchi edi, ammo "qizil iblislar" himoyachini mavsum oxirigacha saqlab qolishga qaror qilishdi. Ma’lumki, "Yunayted" katta ehtimol bilan yozda Van-Bissaka bilan xayrlashadi va "Kristal Pelas" Football Insider xabariga ko‘ra, futbolchi uchun yana kurashmoqchi.
Aaron Van-Bissaka joriy mavsumda Erik ten Xag jamoasida 18 ta o‘yinda maydonga tushib, 1 ta golli uzatmani amalga oshirgan. Transfermarkt portali ingliz futbolchisining transfer narxini 18 million yevroga baholamoqda.